Sfida e parë për javën e 15-të është mbyllur me fitoren e Kukësit i cili ka arritur të mposhtë në shtëpi Laçin, me rezultatin 1-0.
Verilindorët e dominuan pjesën e parë dhe gjetën rrjetën me kapitenin Taipi me një gjuajtje fantastike nga goditja e dënimit që përfundoi në trekëndëshin e portës.
Në pjesën e dytë kurbinasit ishin më kërkues, por fati nuk ishte me ta. Kështu Kukësi lë momentalisht vendin e fundit dhe ngjitet në vendin e 8-ë, ndërsa Laçi vazhdon të qëndrojë në vendin e 5-ë dhe duket se i ndërlikon gjërat për garën në zonën europiane.