Ashtu siç ishte planifikuar, sezoni futbollistik 2020-2021 ka nisur me Kupën e Shqipërisë, e cila turin e parë e luajti me një ndeshje teke. 32 skuadrat pjesëmarrëse në këtë tur ishin të ndara në dy grupe, A dhe B. Kuqeblutë, konkurues në grupin B janë ndeshur në stadiumin “Loro Boriçi” duke pasur përballë Devollin e kategorisë së parë. Në ndryshim nga ballafaqimi i një muaji më parë në miqësore, ku Vllaznia fitoi minimalisht 1 me 0, këtë herë dominimi kuqeblu ishte i dukshëm. Këtë e tregon edhe vete rezultati 7 me 0 në fitim të Vllaznisë, golat e së cilës kanë për autor Dilaver tre herë, Imeri, Marku me penallti, Isaevski dhe Jonuzi.
Ndeshjet e tjera të turit të parë të Kupës së Shqipërisë dhanë këto rezultate:
Grupi A Tirana-Shkumbini 4:1, Laçi-Vora 3:0, Teuta-Tërbuni 4: 0, Bylis Veleçiku 2:1, Flamurtari- Dinamo 1: 2, Kastrioti- Burreli 2:1, Besëlidhja- Egnatia 1:1 (me penallti, 3:4 kualifikohet Egnatia), Korabi -Erzeni 2 :0.
Grupi B, përpos çiftit Vllaznia-Devolli 7 me 0, u arriten këto rezultate: Kukësi- Maliqi 5:0, Skënderbeu-Tomori 1:0, Partizani-Iliria 5:0, Luftëtari-Elbasani(0:3tavolinë), Apolonia- Turbina 4:1, Pogradeci- Oriku 9:1, Lushnja- Besa 0 :1. Bazuar në rezultatet e turit të parë, ekipet e kualifikuara në turin e dytë janë Tirana, Korabi, Laçi, Egnatia, Teuta, Kastrioti, Bylisi, Dinamo në grupin A. Ndërsa në grupin B, të kualifikuar janë Kukësi, Besa, Skënderbeu, Pogradeci, Partizani, Apolonia, Vllaznia dhe Elbasani.