E filluar të hënën e kësaj jave me 10 ndeshjet e para, mes tës cilave edhe ai Flamurtari-Vllaznia që u mbyll me fitoren e vlonjatëve 2-1, ndërkohë qaë pjesa e parë e turit të parë të Kupës së Shqipërisë në futboll mbyllet sot me 6 ndeshjet e tjera.
Sipas kalendarit përcaktuar nga Federata Shqiptare e Futbollit, katër ndeshje i përkasin grupit A dhe dy grupit B, starti i të cilave do të jetë në orën 15:00. Për t’u theksuar është dueli që do të luhet në qytetin e Koplikut, kryeqëndrën e Malësisë së Madhe, ku Veleçiku vendas pret kampionen në fuqi, Tirana. Krahas çiftit, Veleçiku – Tirana, në grupin A kemi edhe këto duele: Partizani – Oriku, Butrinti – Dinamo, Lushnja – Tërbuni.
Ndërkohë, dy ndeshjet e tjera të ditës së sotme i përkasin grupit B me çiftet Shkumbini – Egnatia dhe Burreli – Tomori.
Kupa e Shqipërisë-6 duelet e sotme: Grupi A, Veleçiku – Tirana, Lushnja – Tërbuni, Partizani – Oriku, Butrinti – Dinamo. Grupi B, Burreli – Tomori dhe Shkumbini – Egnatia
