Pas një dite pushim siç ishte ajo e hënës që vinte një ditë pas ndeshjes miqësore me Tërbunin, kuqelutë kanë filluar të martën përgatitjet anti-Tirana. Përgatitje këto që ka pasur në program një seancë stervitore, atë të zhvilluar në palestër. Seancë, së cilës i ka paraprirë një fjalë e gjatë përpara skuadrës nga ana e teknikut Thomas Brdariç duke cekur paksa edhe miqësoren me pukjanët. Por, më së shumtmi duke i dhënë moralin e duhur karikues futbollistëve për sfidën e fundjavës ndaj bardhebluve.
Më pas e ka pasur radhën bullgari Mihail Tzokov, përgatitësi atletik i kuqebluve që ka zbatuar programin stervitor të ditës. Të ndarë në grupe, futbollistët kanë konsomuar ushtrimet në veglat përkatëse duke marrë ngarkesat e duhura fizike.
Ndërkohë, ashtu siç u paralajmërua edhe ditën e diel, përgatitjet anti-Tirana, Vllaznia do t’i zhvillojë në Durrës. Nga sa bëhet e ditur skuadra do të lërë Shkodrën në orën 10.30 dhe pasdite në orën 16.00 është programuar seanca stervitore, e vetmja për ditën e mërkurë.
