“Më të mirët e vitit” në RTSH-shpallet formacioni, trajneri, “Talenti i vitit”, dhe “Topi i Artë”

Lexo

(Video) Diplomohen 30 fizioterapistët e parë të Kursit 1-vjeçar. Shulku: FSHF po investon shumë për sektorin e mjekësisë sportivë

Departamenti i Mjekësisë Sportive në FSHF ka përmbyllur me sukses kursin për formimin e fizioterapistëve dhe mjekëve sportive, të...

Volejboll-Vllaznia për femra dhe meshkuj, nesër mysafir në kryeqytet për tu ndeshur me Partizanin. Uniforma të reja për femrat

Superliga e volejbollit për femra dhe meshkuj ka filluar pasditen e së premtes me dy çifet, Skënderbeu-Tirana, me një...

Korça e dashuruar me volejbollistët shkodranë. Pas Adma Mikopules, Skënderbeu rrëmbeu edhe treshen e meshkujve, Drinazi-Lloshi-Preka

Korça dhe Shkodra, si dy nga qytetet e traditës, kulturës dhe historisë, kanë pasur vazhdimisht raporte shumë të mira...

RTSH organizon për të dytin vitë me radhë Anketën e “Më të Mirëve” në sport duke e shndërruar tashmë në një traditë të këtij institucioni, i cili realisht në të 12-të muajt e vitit i kushton një hapësirë të konsiderueshme sportit. Përpos emisionit tradicional, të përjavshëm “Rubrika Sportive”, kanalet e shumta televizive dhe radiofonike transmetojnë gjatë të gjithë javës emisione të shumta sportive, si dhe aktivitete ndërkombëtare të të gjitha llojeve, europiane dhe botërore.

Referuar mbrëmjes së sotme “Gala”, aktiviteti i ndarjes së çmimeve nën drejtimin e moderatores së njohur sportive, Hygerta Sako përcolli shumë emocione teksa prezantoi fituesit e formacionit më të mirë të vitit 2020, trajnerin, “Talentin e vitit”, si dhe fituesin e “Topit të Artë”.

Nga sa bëhet e ditur, mënyra e përzgjedhjes këtë radhë ka qënë gjithëpërfshirëse. RTSH Sport ka kontaktuar me katër trajnerë që nuk ishin pjesë e aktivitetit për vitin 2020 për të dhënë emrat e tyre për formacionin dhe trajnerin e vitit dhe në bazë të votave është arritur tek fituesit. Po e njëjta proçedurë është zbatuar edhe për “Talentin e Vitit”, ndërkohë që për çmimin “Topi i Artë”, RTSH Sport kontaktoi 10 klubet e Kategorisë Superiore dhe trajnerët e kapitenët e ekipeve kanë përzgjedhur sipas tyre, Lojtarin më të mirë të vitit 2020.

Fillimisht është votuar për formacionin më të mirë të vitit 2020, ku në bazë të votave, portieri më i mirë është shpallur Ilion Lika. Mbrojtësi më i mirë i majtë, Lorenc Trashi, ndërsa si mbrojtësi i djathtë më i mirë është shpallur Albi Doka. Në qendër të mbrojtjes janë përzgjedhur Renato Arapi dhe Rustem Hoxha. Në mesfushë ka vend për Vesel Limaj, Idi Batha dhe Sherif Kallaku. Sulmi përbëhet nga Agustin Torrasa, Kyrian Nëabueze dhe Redon Xhixha. Trajneri më i mirë është shpallur Emanuel Egbo.

Më pas radha ka qënë për “Talentin e vitit”, lojtarin më të mirë për vitin 2020, ku në bazë të votave përkatëse, ky çmim ka shkuar për sulmuesin e Tiranës, Ernest Muçi.

Dhe, në mbyllje që është konsideruar edhe momenti më final dhe më pikant i të gjithë aktivitetit ka qënë shpallja e çmimit “Topi i Artë 2020”, ku në bazë të votave të të gjithë kapitenëve dhe trajnerëve të skuadrave që bëjnë pjesë në Kategorinë Superiore, fitues është shpallur mesfushori i Tiranës, Idriz Batha.

Organizatorët bëjnë të ditur se, të gjithë trofetë që u dhuruan gjatë ceremonisë së zhvilluar nga RTSH Sport janë përgatitur nga Argjendari “Pirro”.

Gaspër MARKU

- Advertisement -

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -