Vllaznia ka bërë realitet firmosjen me futbollistin malazez Milosh Kaleziç. Drejtuesit kuqeblu bënë të ditur që dje se kishin rënë darkord me futbollistin, ndërkohë që pritej vetëm firma në kontratë. Dhe, kjo ka ardhur mbrëmjen e sotme kur Kaleziç është paraqitur në zyrat e KF Vllaznia duke firmosur kontratën zyrtare, e cila siç bëhet e ditur nga klubi kuqeblu është me afat njëvjeçar me opsion zgjatje edhe për një vit tjetër. Menjëherë pas firmosjes së kontratës, malazezi ka pozuar me drejtorin sportiv të kuqebluve, Matko Djarmati.
Kaleziç është i moshës 27 vjeçare dhe pozicioni i tij në fushë është si mesfushor qëndre. Në karrieren e tij sportive, ai është aktivizuar në kampionatin malazez me ekipet Buduçnost, Mogren, Grbalj, Samorin, Iskra, Sloboda Tuzla, Petrovaç dhe së fundmi me OFK Titograd. Milosh Kaleziç gjen në skuadër bashkëkombasin e tij Bojan Zogoviç duke u bërë kështu futbollisti i dytë malazez në radhët e Vllaznisë.
