Presidenti i SHBA-ve ka dhënë një përgjigje të prerë në lidhje me mundësinë e pjesëmqarrjes së Italisë në Kupën e Botës 2026. “Nuk po e mendoj aspak”. Kështu është përgjigjur presidenti i Shteteve të Bashkuara të Amerikës, Donald Trump, kur është pyetur se çfarë mendon për hipotezën e pjesëmarrjes së Italisë në vend të Iranit në Botëror, siç kishte propozuar i dërguari special Paolo Zampolli.
“Në asnjë komunikim të SHBA-ve nuk u është thënë atyre (Iranit) se nuk mund të vijnë në Botëror”, – ka thënë sekretari i Shtetit, Marco Rubio, i ftuar për të folur në lidhje me këtë çështje nga Trump.
“Nuk e di nga dalin këto zëra”, – ka shtuar Rubio. Nga këto deklarata kuptohet qartë se shpresat e Italisë për të shkuar në Kupën e Botës janë shuar plotësisht.
