Xhekson Kenio nuk do të jetë më pjesë i Egnatias për sezonin e ardhshëm duke lënë kështu skuadrën para ndeshjeve të Europës ndaj Araratit. E ardhmja e tij pritet të jetë në kampionatin turk, aty ku do të jetë pjesë e Istanbulsporit.
Lajmin e ka zyrtarizuar vetë sulmuesi brazilian në rrjetet e tija sociale:
“Ju njoftoj qe cikli im përfundoi tek Egnatia, falënderim për këto 3 vite që qëndrova në këtë klub! Mësime, humbje dhe shumë fitore. Jam i lumtur që largohem duke e lënë klubin aty ku e meriton të jetë dhe detyrimi im për klubin u krye. Faleminderit të gjithëve në qytetin e Rrogozhinës që më mirëpritën që në fillim, bëra miq që do të jenë përgjithmonë në zemrën time!!Respekt dhe mirënjohje për të gjithë. Faleminderit”, shkruan Xhekson.
