Partizani-Kastrioti 4-1(Shënues: Cara 35’, Matondo 40’, Selmani 45’+2’, Mba 78’/Mihana 44’
Partizani-Kastrioti, ndeshje e luajtur pasditen e sotme në stadiumin e ri të KF Partizani, ishte ndeshja e fundit që ka mbyllur javën e 26-të të kategorisë Abissnet Superiore. Të kuqtë kanë sfiduar krutanët duke i mundur me rezultatin e thellë 4 me 1.
Ndeshja ishte e hapur për rreth 30 minuta, pasi skuadrat nuk krijuan shumë rreziqe. Por goli i Carës në të 35-tën minutë zhbllokoi rezultatin. Më pas vijnë edhe golat e tjerë, Matondo në të 40-tën, Selmani në të 45-tën dhe Mba 78-tën duke e çuar në katër numrin e golave për skuadrën e Xhovani Koleles.
Një gol i vetëm i miqve nga Kruja me autor Mihanen në të 44-tën minutë, vlen vetëm për statistikë, duke mos mundur të ndalë fitoren e merituar të skuadrës së kuqe me rezultatin përfundimtar, 4-1.
Me këtë tre pikësh, duke përfituar nga barazimi i Tiranës në Ballsh me Bylisin, 1-1, Partizani arrin të barazojë me 44 pikë Tiranën kryesuese, por me golaverqzh më të mirë, Partizani është në krye.