Dinamo-Partizani 1-3 (90’+3′ Kaçorri / 58′ Bintsuka, 78′ Rrapaj, 83′ Da Silva)
Pas dy barazimeve radhazi, Partizani u rikthye te fitorja në kampionat duke triumfuar në derbi ndaj Dinamo City, me rezultatin 1-3 në “Elbasan Arena”
Pjesa e parë e ndeshjes kishte pak raste dhe u zhvillua me një ritëm të ulët. Duke mbyllur kështu pjesën e parë me rrjeta të paprekura.
Pjesa e dytë ikshte një pamje krejtësisht tjetër. Futja e Da Silvës në lojë, ndryshoi gjithçka.
Braziliani Da Silva, i cili hyri në lojë në minutën 58′, ishte menjëherë protagonist teksa dha asistin te goli i Bintsouka. Në minutën e 78-të, Rrapaj dyfishoi shifrat me një supergol nga jashtë zone, ndërsa 5 minuta më vonë, ishte Da Silva që shënoi të tretin. Golin e vetëm për Dinamon e shënoi Kaçorri në minutat e fundit me penallti.
Një tjetër humbje për Dinamon, që renditet në vendin e parafundit me vetëm 3 pikë. Ndërkohë Partizani merr një fitore shumë të rëndësishme para derbit me Tiranën, teksa ngjitet në vendin e dytë me 8 pikë, 2 më pak se bardheblutë kryesues, me të cilët përballen të martënn.
