Thursday, March 28, 2024

Partizani sfidon Bylisin në transfertë dhe ndjek Tiranën kryesuese me pikë të barabarta me Vllazninë

Lexo

Bylis-Partizani 0-1(Shënues: Mensah 77’)

0 me 1 në favor të të kuqve ka përfunduar ndeshja në mes Bylisit vendas dhe Partizanit mysafir. Ndeshja e luajtur mesditen e sotme në stadiumin “Adush Muça” të Ballshit, ishte mjaft e dyluftuar. Vendasit e drejtuar nga trajneri Shensoi kërkonin patjetër pikët e plota, pasi, aktualisht, gjenden në zonën e “kuqe” të largimit nga kategoria Superiore. Ndërkohë, që Partizani me synime të tjera, duke qënë pretendent për trofeun e titullit kampion, kërkonte ti bashkohej Vllaznisë në ndjekje të Tiranës kryesuese.

Pas një pjese të parë e mbyllur në barazim, pa gola, 0-0, e dyta sjellë edhe ndryshimin e rezultatit.  Është Mensah, i cili erdhi nga stoli duke zëvendësuar Carën, që në minutën e 77’ e dërgon topin në rrjetën e portës vendase.

Goli i shënuar nga Partizani e ndez akoma më shumë luftën sportive, ku tashmë është skuadra vendase që këmbëngulë fort për të gjetur golin e barazimit. Nga ana tjetër, ka edhe tension në tribunat e stadiumit “Adush Muça”, ku tifozëria vendase, e pakënaqur me disavantazhin hedh sende në fushë duke bërë që ndeshja të ndërpritej për disa minuta.

Gjithësesi, me rikthimin e skuadrave në fushën e lojës, takimi mbyllet në normalitet, dhe është Partizani që i gëzohet fitores minimale 0-1, por shumë të rëndësishme të kësaj ndeshje, e cila e  çon në kuotën e 34 pikëve duke u barazuar me pikë me Vllazninë, vetëm 3 pikë larg kryesues Tirana. Ndërsa, Bylisi, me këtë humbje mbetë në vendin e parafundit me 23 pikë, duke lënë prapa Kastriotin me 20 pikë, duke qënë në rrezik serioz për largimin nga kategoria Superiore.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img