Ndonëse vitet ecin, për peshëngritësin e talentuar shkodran Erkand Qerimaj, karriera sportive vazhdon të jetë e suksesshme.
Këtë e tregojnë edhe rezultatet e arritura në Lojërat Mesdhetare-Taranto 2026, ku edhe pse plot 38 vjeç, ndër rastet e pakta të peshëngritjes shqiptare, ku Qerimaj bëri një prezantim dinjitoz duke vendosur plot pesë rekorde të reja kombëtare, ndërkohë që dy prej tyre janë edhe rekorde mesdhetare.
Rezultatet në fjalë u regjistruan duke konkuruar në kategorinë e peshës deri në 85 kg, një peshë e re kjo për të dhe më e madhe se kategoritë ku ai ka garuar në Lojërat e mëparshme Mesdhetare.
Konkretisht, rekordi i parë kombëtar për shkodranin Erkand Qerimaj është ai i regjistruar në sitilin e shkëputjes ku ngriti 151 kg, i cili njëherazi është edhe rekord mesdhetar. Më pas, vjen rekordi i dytë kombërtar, këtë radhë në stilin e shtytjes me shifrat 181 kg, i cili pasohet me rekord kombëtar në dygaresh me shifrat 332 kg – Rekord Kombëtar.
Por, Erkandi nuk mjaftohet me kaq duke kërkuar në provat që kishte në dispozicion, rekorde të tjera. I katërti sipas radhës regjistrohet në provën e dytë të stilit të shtytjes, ku me shifrat 187 kg, është jo vetëm rekord kombëtar por edhe mesdhetar.
Dhe rekordi i pestë kombëtar është në dygarësh me shifrat e reja 338 kg. Rekordet e reja të vendosura në Itali, në një nga kompeticionet më të rëndësishme sportive ndërkombëtare, është një tjetër kapitull pozitiv në karrierën sportive të Erkand Qerimaj.
Rezultatet e arritura mbrëmë në Lojërat Mesdhetare-Taranto 2026, janë vazhdë e sukseseve që Qerimaj ka pasur më herët në këtë event të rëndësishëm ndërkombëtar, duke pasë aprasysh fitimin e medaljes Ari dhe Argjendi dhe përmirësim e Rekordeve Mesdhetare në Pescara 2009, Medalje Argjendi në Lojërat Mesdhetare të Algjerisë, etj.
Por, 38-vjeçari Erkand Qerimaj, nuk ndalet këtu, sepse, në objektivin e tij të radhës është Kampionati Botëror i peshëngritjes që do të zhvillohet në muajin nëntor në Kinë, aty ku synohet futja në zonën e medaljeve.
I kënaqur për sukseset e arritur në Itali, Erkand Qerimaj, e konsideron një tjetër kapitull pozitiv në karrierën time sportive duke e shoqëruar me një postim emocionues në rrjetet sociale…
Postimi i plotë i peshëngritësit shkodran, Erkand Qerimaj
LOJËRAT MESDHETARE – TARANTO 2026
Një tjetër kapitull mbyllet në karrierën time sportive… dhe këtë herë, nga Taranto, kthehem me 5 REKORDE KOMBËTARE!
Në kategorinë 85 kg, një peshë e re dhe më e madhe se kategoritë ku kam garuar në Lojërat e mëparshme Mesdhetare, arrita të vendos:
Vendi i 4-t në Dygarësh, duke tentuar deri në fund zonën e medaljeve.
151 kg – Rekord Kombëtar
181 kg – Rekord Kombëtar
332 kg – Rekord Kombëtar
187 kg – Rekord Kombëtar në Shtytje
338 kg – Rekord Kombëtar në Dygarësh
5 REKORDE KOMBËTARE në një nga kompeticionet më të rëndësishme sportive!
Këtë herë tentova zonën e medaljeve, por nuk ishte e shkruar të vinte medalja. Megjithatë, sporti më ka mësuar se jo çdo garë matet vetëm me medalje.
Ndonjëherë, fitorja është të dalësh në platformë, të luftosh deri në kilogramin e fundit dhe të tregosh se ende ke forcën dhe dëshirën për të shkruar histori.
Lojërat Mesdhetare kanë qenë një pjesë shumë e rëndësishme e rrugëtimit tim.
Në Pescara 2009: Medalje Ari
Medalje Argjendi
Përmirësim i Rekordeve Mesdhetare
Në Lojërat Mesdhetare në Algjeri: Medalje Argjendi
Në total, nga Lojërat Mesdhetare ku kam marrë pjesë:
1 Medalje Ari
2 Medalje Argjendi
Rekorde Mesdhetare
dhe tashmë 5 Rekorde Kombëtare në Taranto 2026
Pas kaq shumë vitesh në sport, vazhdoj të garoj me të njëjtin shpirt, të njëjtën dëshirë dhe të njëjtin flamur!
Medaljet janë pjesë e historisë…Rekordet janë pjesë e historisë. Por më e rëndësishmja është rrugëtimi, sakrifica dhe fakti që nuk u dorëzova kurrë.
Faleminderit familjes, miqve dhe të gjithë atyre që më kanë mbështetur ndër vite.
Flamuri Kuqezi mbi supe, zemra në platformë dhe gjithmonë përpara!
