Peshëngritja shqiptare tashmë është gati për evenimentin më të rëndësishëm kontinental. Bëhet fjalë për Kampionatin Europian të të rriturve, i cili zhvillohet në Jerevan të Armenisë. Aktivitet në të cilin konkurojnë pesë peshëngritës shqiptarë: Qerimaj, Calja Ramadani, Godelli dhe Shoraj, në objektivin e të cilëve është futja në zonën e medaljeve.
Sipas kalendarit të aktivitetit, konkurimi në Europian fillon me datë 15 prill dhe zgjatë deri më 23 prill, ndërsa është garë kualifikuese për Lojërat Olimpike “Paris 2024”.
Më 18 prill, do të jetë momenti i konkurimit në peshën 73 kilogram, me dyshen kuqezi, Erkand Qerimaj dhe Briken Calja.
Më 19 prill, është radha e peshëngritësve, Kristi Ramadani dhe Daniel Godelli për peshën 81 kilogram.
Peshëngritësi i fundit nga delegacioni kuqezi është Krenar Shoraj, i cili do të konkurojë me datë 20 prill, për peshën 89 kilogram, do të jetë.
