Dukagjini dhe Gjilani ishin dy skuadrat që përfaqësuan Kosovën në turin e parë të Ligës së Konferencës. Për Dukagjinin ishte debutimi i parë në arenën europiane. Skuadra drejtuar nga Armend Dallku bëri një prezantim dinjiton gjë që u konfirmua edhe në rezultat, duke arritur një fitore me rezultatin 2-1 ndaj skuadrës së Europës që përfaqëson Gjibraltarin.
Shabani në minutën e 30’ dhe Zulfiji vetëm pak sekonda para përfundimit të takimit do të realizonte golin e fitores për ekipin kosovar. Në rast kualifikimi, atëherë Dukagjini do të përballet në raundin e dytë me kroatët e Rijekës. Ndërkohë Klodian Duro, debuton me një barazim në stolin e Gjilanit. Skuadra kosovare nuk shkoi më shumë se një 2-2 në transfertë ndaj luksemburgasve të Niedercorn . Dy golat për ekipin kosovar do të shënoheshin nga Arbnor Ramdani në minutat 48 dhe 66’.
