Pasditen e djeshme kanë nisur stervitjet tre ekipet e Akademisë Vllaznia, pikërisht ato U16, U17 dhe U19. Futbollistët e këtyre ekipeve janë prezantuar me trajnerët Alsid Tafili, Flanres Çaku dhe Vioresin Sinani dhe nën drejtimin e tyre kanë nisur përgatitjet për sezonin e ri futbollistik.
Ndërkohë, në kuadrin e riorganizimit të stafeve teknike të Akademisë Vllaznia, ditën e sotme, drejtuesit e klubit kuqeblu kanë bërë të ditur edhe emrat e trajnerëve të tjerë të emëruar në ekipet e kategorisë së moshave, U15, U14 dhe U11.
“KF Vllaznia bën të ditur se që nga dita e hënë do të nisin stërvitjen edhe tre ekipe të tjera të Akademisë kuqeblu, pikërisht ato U11, U14 dhe U15. Trajnerët që do t’i drejtojnë këto ekipe janë si më poshtë:
Denis Zmijanej trajner Vllaznia U15
Brikeno Bizi trajner Vllaznia U14
Ylad Pirani trajner Vllaznia U11”, thekson njoftimi zyrtar i KF Vllaznia.
