Wednesday, May 29, 2024

Shqipëri-Mali i Zi, miqësore me 17 vjeçarët më 22 & 24 maj

Lexo

Shqipëria U-17 do të zhvillojë dy ndeshje miqësore ndaj Malit të Zi U-17. Departamenti i Komunikimit në FSHF bën me dije se është arritur marrëveshja me Federatën e Futbollit të Malit të Zi që dy sfidat të luhen në datat 22 dhe 24 maj. Takimi i parë do të zhvillohet në Podgoricë më datë 22 maj në ora 17:45, ndërsa sfida e dytë do të luhet në stadiumin “Loro Boriçi” më datë 24 maj në ora 20:30.

Kombëtarja U-17 zhvilloi edhe një takimit miqësor me Slloveninë U-17 më datë 18 prill, ku kuqezinjtë të drejtuar nga trajneri Bledi Shkëmbi triumfuan 2-1 në Ajdovščina Slloveni.

Edhe këto ndeshje miqësore me Malin e Zi U-17 do të shërbejnë për të vëzhguar e testuar nga afër lojtarët e grumbulluar, teksa fokusi i përgatitjeve është te raundin i parë kualifikues për Kampionatin Europian U-17 “Shqipëri 2025”.

Pak ditë më parë u hodh shorti në selinë e UEFA-s në Nyon të Zvicrës dhe Shqipëria U-17 u pozicionua në Grupin 3 së bashku me Holandën, Kroacinë dhe Ishujt Faroe.

Shqipëria U-17 është e kualifikuar automatisht në finalet e Europianit U-17 pasi ky event madhor do të organizohet nga FSHF në bashkëpunim me UEFA-n në vendin tonë.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img