Nëse ka një ndeshje që duhet thënë se Skënderbeu luan gjithë sezonin është kjo e nesërmja në Shkodër ndaj Vllaznisë.
Pikërisht të shtunën në orën 18:00 Skënderbeu luan fatet e gjithë sezonit, kjo sepse në rast humbjeje duhet të mendojë më shumë për rënien se për superligën.
Në rast fitoreje sigurisht që do të rikthehet edhe njëherë në pozicion komod pikësh dhe shanset që të shpëtojë jan të mëdha. Prandaj kjo përballje e nesërme mund të themi që Skënderbeu luan fatet e gjithë sezonit.
Pas tre rezultateve pozitive dhe që skuadra reagoi, ajo humbje me Partizanin tronditi kampin bardhekuq, ndërkohë që të gjithë te Skënderbeu shpresojnë që nesër do të dalin me rezultat pozitiv nga Shkodra.
Gjatë ditës së sotme ka pasur një tjetër takim nga ana e presidentit Ardjan Takaj dhe stafit teknik me futbollistët, ndërkohë që nesër vetë lojtarët kanw premtuar se do të japin maksimumin. Tashmë jemi drejt fundit të këtij sezoni dhe qoftë edhe një hap tjetër i gabuar, do të humbiste të gjithë shpresat për mbijetesë, prandaj kjo transfertë është e një rëndësie të veçantë.
Fatos LAMAJ