Egnatia-Bylis 0-1(Shënues: Ruçi 90+2’)
Një rezultat surprizë është regjistruar në stasiumin e Rrogozhinës, kur skuadra vendase Egnatia është mundur me rezultatin 0 me 1 nga Bylisi mysafir, ndeshje kjo për llogari të javës së 14-të të kategorisë Abbisnet Superiore.
Themi surprizë, pasi të hënën e kësaj jave, Egnatia mundi Vllazninë brenda në “Loro Boriçi” me rezultatin 0-1. Ndërkohë që sot mundet nga ballshiotët e vendit të parafundit të renditjes.
Një fitore kjo shumë e rëndësishme për Bylisin duke zgjuar kështu shpresat për mbijetesë në Superiore. Gjithçka është vendosur në limitet e kësaj sfide, ndërsa një aksion i rrufeshëm i ballshiotëve është konkretizuar me gol nga Flamur Ruçi. Një fitore që vjen pas shtatë javës për Bylisin, ndërsa Egnatia ndalet në momentin e saj më të mirë.
Për tu theksuar është se për autorin e golit Flamur Ruçi dhe të gjithë skuadrën ballshiote, fitorja e kësaj ndeshje shkon si deditim për Maringlen Ruçin, vëllain e autorit të golit që ndërrroi jetë pak ditë më parë.
Një rezultat që largon Bylisin nga zona më e rrezikshme në klasifikim, pasi kthehet të fitoret pas 7 javësh mungesë, ndërsa sheh Egnatian që të frenojë në një moment kur dukej se mund t’i afrohej edhe më shumë grupit të kreut.
