Wednesday, May 22, 2024

Tuzi, arena e boksit profesionist. Në ring edhe kampioni shkodran, Arjon Kajoshi përballë boshnjakut, Edis Dzambas

Lexo

Arena e boksit profesionist ndalet mbrëmjen e së premtes në qytetin e Tuzit të Malit të Zi. Organizatorët e shoqatës së boksit profesionit kanë programuar një turne të zgjeruar, ku krahas betejave në ring është parashikuar të ketë edhe spektakël artistik.

Komuna e Tuzit e përbërë përgjithësisht me popullsi shqiptare, ka preferuar që krahas boksierëve vendas të këtë të ftuar edhe nga Shqipëria. Dhe, për këtë është zgjedhur kampioni i peshave të mesme, Arjon Kajoshi.

Kampioni i Vllaznisë Arjon Kajoshi, i cili po kalon një moment të shkëlqyer në boksin profesionist, për të cilin flet qartë bilanci i tij shumë pozitiv, tetë ndeshje dhe tetë fitore, kërkon fitoren e nëntë radhazi në ringun profesionist si dhe përmirësimin në ranglistën botërore, ku për momentin renditet në vendin e 299-të.

Për të realizuar një objektiv të tillë duhet kaluar dueli mbrëmjes së sotme, ku do të ketë përballë boksierin boshnjak Edis Dzambas.

Shkodranin Kajoshi e shoqërojnë në këtë turne dy bashkëqytetarët e tij, kryetrajneri i kombëtares, Zef Gjoni, si dhe trajneri i Vllaznisë, Lazarin Vila.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img