Pas largimit nga Partizani, sulmuesi Victor Da Silva është transferuar të nënkampionët e Uzbekistanit, FC Nasaf Qarshi. Braziliani ka firmosur deri në dhjetor të këtij viti dhe do të përfitojë rreth 200 mijë euro në sezon.
Da Silva largohet kështu nga Shqipëria pas 3 sezonesh e gjysmë ku shënoi 29 gola e 17 asiste dhe fitoi 3 trofe: 1 titull me Partizanin dhe 2 Kupa me Vllazninë. Lajmi është bërë i ditur nga vetë klubi në rrjetet sociale.
