Superliga e futbollit të moshave luan këtë fundjavë ndeshjet e javës së dytë ku ekipi i Vllaznisë U-19 i drejtuar nga trajneri Vioresin Sinani pret në shtëpi ekipin Internacional të Tiranës.
Në javën e parë, skuadra kuqeblu fitoi me përmbysje në transfertën e Ballshit, ku nga disavantazhi 4-1, e ktheu rezultatin në favorin e saj duke fituar 5 me 4.
Krahas të tjerëve, protagonistët e kësaj fitoreje janë ato që tundën rrjetën e portës ballshiote. Zaganjori në minutën e 10-të dhe të 90-të, Dodaj në të 70-tën, Halili në të 73-tën dhe Hajdari në të 80-tën.
Emocionet e kësaj ndeshjeje shumë dramatike, i përcjell në Veriu Sport, mesfushori-sulmues, Ersi Zaganjori, autor i dy golave në këtë ndeshje, ku i dyti shënuar në minutën e fundit mori vlerat e tre pikëshit,
Në prizmin personal, Zaganjori është një lojtar i vlerësuar, pasi është kontigjent i ekipit kombëtar, ndërkohë që përpos Vllaznisë U-19, luan edhe për kuqeblutë e Vllaznisë U21, si dhe javët e fundit është thirrur edhe nga skuadra e parë duke pritur të marrë besimin e teknikut Memelli për debutimin me Vllazninë e madhe.
(Video) Intervistën e plotë me golashënuesin e talentuar Ersi Zaganjori mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
