Pas një mbyllje të shkëlqyer të fazës së parë të kampionatit, ku duke fituar të gjitha u shpall kampione e dimrit, Vllaznia e futbollit për femra ka nisur përgatitjet për pjesën e dytë të sezonit. Dhe, viti 2023 nis me ndeshjet e turit të parë të Kupës së Shqipërisë, ku shorti e ka vënë Vllazninë të përballet në dy takime me ekipin e Kukësit. Në prononcimin e dhënë për Veriu Sport, trajneri Nikolin Leka shprehet optimist për kalimin e turit, por edhe të trofeut të Kupës, ndërkohë që të njëjtin objektiv ka edhe për titullin kampion.
Vllaznia vjen në këtë pjesë të dytë të sezonit pas konkurimit në Ligën e Kampioneve të Europës, faza e grupeve, dhe natyrisht që tashmë skuadrat kundërshtare e shikojnë me një status tjetër.
Ndeshjet e turit të parë të Kupës së Shqipërisë në futboll femra luhen me datë 22 dhe 29 janar 2023.
(Video) Intervistën e plotë me trajnerin e Vllaznisë, Nikolin Leka, mujnd ta ndiqni në YOUTUBE-kanali Veriu Sport
