Pas një përgatitje disa mujore, Kombëtarja e Shqipërisë në boks për kategorinë U-16 është nisur sot drejt Italisë, aty ku në qytetin Pescara, që prej ditës së hënë të javës së ardhshme nisin ndeshjet e Kampionatit Europian të Boksit për kategorinë e moshës 16 vjeçare.
Pjesë e kombëtares kuqezi në këtë Europian janë edhe dy boksierët shkodranë, Tonin Prela dhe Pashuk Gjoni të cilët stërviten nga trajnerët e tyre, vëllezërit Klaudio dhe Emiliano Çekini.
Përpara nisjes në Europian, dy kampionët kuqeblu, Tonin Prela dhe Pashuk Gjoni u shprehen optimist për një prezantim sa më cilësor, me objektiv fitimin e medaljeve.
Ekipin kombëtar U-16 në këtë Europian e shoqërojnë dy trajnerët kuqezi, Klaudio Çekini i Vllaznisë dhe Artur Koçi i Tiranës. Ndërkohë, krahas dyshes së boksierëve shkodranë Prela dhe Gjoni, në përbërje të kombëtares janë edhe dy boksierët e Tiranës, Stiven Xixi dhe Amar Koçi, si dhe durrsaku Skender Lala.
Lista e kombëtares së Boksit U-16 në Europianin e Italisë
Trajnerë : Klaudio Çekini, Artur Koçi
Sportistë:
- Stiven Xixi 50 Kg ( Boksier i ekipit Tirana)
- Pashuk Gjoni 57 Kg (Boksier i ekipit Vllaznia)
- Skender Lala 60 Kg (Boksier i ekipit Teuta)
4 .Tonin Prela 63 Kg (Boksier i ekipit Vllaznia)
- Amar Koçi 75 Kg (Boksier i ekipit Tirana)
(Video) Boksierët shkodranë, përgatiten për Europianin e Italisë, U-16
