Mbyllja e sezonit të kaluar futbollistik nuk ishte ajo e duhura për Veleçikun, i cili megjithë përpjekjet maksimale nuk arriti të ngjitej në kategorinë e parë. Në prononcimin e dhënë për Veriu Sport, drejtori sportiv i koplilasve Nuri Rexha, teksa bën një analizë të sezonit të kaluar flet edhe për postin e trajnerit të Veleçikut, i cili pas largimit të Dritan Smajli, i cili aktualisht është prezantuar në krye të lezhjanëve të Beslidhjes, pritet zëvëndësuesi i tij.
Sipas drejtorit Nuri Rexha, ish kapiteni i kombëtares Rudi Vata, i cili tashmë është edhe menaxher futbolli, i ka premtuar koplikasve që të sjellë një trajner të huaj, anglez për të drejtuar Veleçikun.
Ndërkohë, përpos trajnerit anglez të premtuar nga Rudi Vata, kandidatë për postin e trajnerit të Veleçikur janë edhe Haris Lika, i cili e drejtoi Veleçikun dy sezone më parë, por edhe Besnik Duli, një trajner që e ka drejtuar Veleçikun më gjatë se askush tjetër pak vite më parë.
Sa i përket dyshes së përfolur, mes Haris Likës dhe Besnik Likës, drejtori Rexha shpreh kënaqësinë që Haris Lika i ka dyert e hapra të rikthehet në drtejtimin e skuadrës.
I pyetur për kontigjentin e skuadrës, drejtori Rexha thotë se nuk ka largime nga sezoni i kaluar, duke konfirmuar kapitenin e skuadrës Çoku, Hajdari, Bardulla, etj, ndërkohë që do të vijohet në promovimin e lojtarëve të rinjë, të cilëve iu dha besimi i duhur edhe sezonin e kaluar.
Krahas të tjerave, për ta bërë Veleçikun edhe më të kompletuar, drejtori sportiv Nuri Rexha thekson se Koplikut dhe Malësisë së Madhe në përgjithësi i duhet një stadium i ri, për të cilin beson se kryetari Tonin Marinaj do të arrijë ta bëjë realitet ndërtimin gjatë këtij mandati.
Sipas Nuri Rexhës, i cili ka vitin e gjashtë që mban postin e drejtorit sportiv, objektivi i Veleçikut do të vijohet patjetër kualifikimi në kategorinë e parë, madje nëse bëhet realitet ndërtimi i stadiumit, do të synohet edhe për kategori më të larta.
(Video) Intervisten e plotë me Drejtorin Sportiv të KF Veleçiku mund ta ndiqni në kanalin tonë zyrtar, Veriu Sport, në YOUTUBE.
Gaspër MARKU
