Shkodrës së traditave futbollistike i shtohet edhe një ekip futbolli. Ai është “North United”(Veriu i bashkuar), një skuadër me investitor të huaj dhe administrator e menaxher shkodran,
I formuar vetëm pak ditë më parë, drejtuesit nuk kanë humbur kohë, ku pasi kanë zgjedhur stafin tërësisht Shkodran, kanë zyrtarizuar skuadrën pranë sektorit të garave në FSHF duke marrë OK e konkurimit në Kategorinë e Tretë për sezonin e ri ftubollistimk 2026-2027.
Në timonin e “North United” do të jetë trajneri Erjon Mani, një emër i njohur si sportist, por edhe si trajner, ku përvoja më e fundit ishte në pankinën e Basania FC.
Në prononcimin e tij të parë për Veriu Sport si trajner i “North United”, teksa falenderon drejtuesit që i besuan drejtimin e skuadrës, Mani bën të ditur se skuadra ka nisur nga përgatitjet, por akoma nuk është e plotë, pasi krahas elementit shkodran dhe më gjërë nga futbolli shqiptar, pritet të mbërrijë një kontigjent futbollistësh cilësorë nga jashtë.
Sa i takon objektivave, Mani thekson se në këtë debutim të parë, nuk është se kërkojnë renditjen, gjë e cila mund të vijë pak më vonë, por prioriteti kryesor do të jetë puna me elementin e ri, përmes një projekti afatgjatë që kanë paraqitur investitorët e huaj.
(Video) Prononcimin e plotë të trajnerit të “North United”, mund ta ndiqni në kanalin tonë zyrtar, Veriu Sport-YOUTUBE.
Gaspër MARKU
