Vllaznia-Barleti Volej 3-1(16/25, 25/22, 25/18, 25/19)
Vllaznia: Laura Ballçiti, Raisa Ceraj, Esmeralda Tuci, Marjana Ndou, Edna Erkoçi, Kejsi Axhemi, Adma Mikopula, Elira Rukaj, Brikena Bashaj, Klodeta Zhivani(Kapitene), Ariola Kuti, Taurie Magee. Trajner: Nora Deda
Barleti Volej: Kejsi Shira, Kristela Capo, Megi Sallahu, Alisa Ibrahimi, Jolanda Isufi, Harikla Lena, Orestia Prrenjasi, Armjola Pepa, Bejona Nenaj, Desjona Filaj, Sigi Mira, Xhenifer Pipa(Kapitene), Eibi Jaho, Tea Metani. Trajner: Altin Gorenxa
Gjyqtarë: Konalsi GJOKA – Enri ZENULLARI
Vllaznia e volejbollit femra ka sfiduar një rival direkt siç është Barleti Volej duke e mundur me rezultatin 3 me 1. Ndeshja e luajtur mbrëmjen e sotme në pallatin e sportit “Qazim Dervishi” të Shkodrës nuk ka nisur mirë për skuadrën kuqeblu e cila humb setin e parë me rezultatin 16-25.
Ndërhyrja e trajneres Nora Deda, e cila në pushimin mes dy seteve “shkund” skuadrën, duke bërë që volejbollistet kuqeblu ta përmirësojnë në mënyrë të ndjeshme lojën.
Me një kapitene autoritare në fushën e lojës si Klodeta Zhivani, e cila e rikthyer pas një shkëputje objektive për arsye lindje, ka shkëlqyer në të gjitha drejtimet, Vllaznia barazon rezultatin në 1 me 1, teksa fiton setin e dytë 25-22.
Më pas, me kontrubitin e kolegeve të tjera të skuadrës, Esmeralda Tucin, mirditoren që rikthehet sërishmi në Shkodër pas përvojës me skuadrat e tjera të kampionatit shqiptar, Edna Erkoçin, Laura Ballçitin, Adma Mikopulën, Marjana Ndoun, Brikena Bashajn, si dhe amerikanen Taurie Magee, e cila në debutimin e saj të parë me uniformën kuqeblu mori duatrokitje nga tifozëria shkodrane, Vllaznia komandon të gjithë ndeshjen dhe duke fituar edhe dy setet e tjera, 25-18 të tretin dhe 25-19 të katërtin, fiton me meritë të gjithë ndeshjen me rezultatin, 3-1.
Ndeshja në fjalë ishte e prapambetur për llogari të javës së dytë të Superligës së volej femra, ndërkohë që në javën e parë të luajtur në “Qazim Dervishi”, Vllaznia është mundur 1-3 nga Pogradeci.
Për javën e tretë, Vllaznia e volej femra do të jetë mysafire në Korçë për tu ndeshur me ekipin kampion të Skënderbeut.
(Video) Ndeshja, Vllaznia-Barleti Volej, Superliga e volejbollit femra. Transmetim i Veriu Sport-me koment.
Gaspër MARKU
