(Video) Vllaznia “privatizon” atletikën shqiptare! Prej 18 vitesh fiton të gjitha trofetë e konkurimit për meshkuj. Suksesi i radhës, kampione për U18 dhe atleti kuqeblu, Arijon Alibali shpallet sportisti më i mire i aktivitetit

Në harkun kohor të dy javëve, Shkodra mirëpriti dy aktivitete kombëtare për sportin e atletikës, Kampionatin Kombëtar të atletikës për kategorinë e moshës U16 dhe më pas atë U18, kampionate këto që u fituan nga ekipi i Vllaznisë.

Në këtë mënyrë, Vllaznia në atletikë për meshkuj vazhdon të jetë lidër në shkallë kombëtare, kur kemi parasysh se në harkun kohor 18-të viteve të fundit arrin të fitojë të gjitha trofetë, duke filluar nga grupmoshat dhe deri tek ekipi i parë. Dy javë më herët u shpall kampione për kategorinë e moshës U16, ndërkohë që këtë mesjavë regjistroi suksesin e radhës duke u shpallur kampion për 18-vjeçarët.

Aktiviteti në fjalë u zhvillua në stadiumin “Loro Boriçi” të Shkodrës me pjesëmarrjen e rreth 150 sportistëve, përfaqësues të dhjetë ekipeve pjesëmarrëse.

Suksesi i Vllaznisë së drejtuar nga trajnerët Albert Marashi, Bruno Rrotani, Dorjan Tafo, Jetmir Jahaj ishte i dyfishtë në këtë kampionat duke arritur të fitojë dy trofe, atë ekipor duke grumbulluar me 87 pikë, ndërkohë që trofeu i sportistit më të mirë të aktivitetit, i takoi atletit të Vllaznisë, Arijon Alibali, me 684 pikë olimpike.

Rezultatet teknike të Kampionatit Kombëtarë U18

100 m

Arijon Alibali – Vendi i parë

110 m me pengesa

Andrea Nenshati – Vendi i parë

200 m

Arijon Alibali – Vendi i parë

400 m me pengesa

Damian Pohja – Vendi i parë

Isli Shurbani – Vendi i dytë

Enis Nikshiqi – Vendi i tretë

400 m

Dardan Baraku – Vendi i tretë

Kërcim së gjati

Sulejman Taka – Vendi i parë

Damian Pohja – Vendi i dytë

Elmas Rakiqi – Vendi i tretë

Kërcim së larti

Andrea Nenshati – Vendi i parë

Kërcim 3-hap

Sulejman Taka – Vendi i parë

4×100 m stafetë

1. Nenshati, D. Baraku, D. Pohja, I. Shurbani – Vendi i parë

4×400 m stafetë

1. Balla, A. Nenshati, D. Baraku, D. Pohja – Vendi i parë

Klasifikimi ekipor

Vllaznia – Vendi i parë me 87 pikë

Sportisti më i mirë i aktivitetit, Arijon Alibali, me 684 pikë olimpike.

Urime atletëve dhe trajnerëve për këtë paraqitje shumë të mirë dhe për vazhdimësinë

(Video) Përmbledhjen e garave të Kampionatit Kombëtar të atletikës U18 zhvilluar në stadiumin “Loro Boriçi”, si dhe prononcimin e kryetrajnerit të Vllaznisë, Albert Marashi, mund t’i ndiqni në kanalin tonë zyrtar, Veriu Sport-YOUTUBE

Gaspër MARKU