Në vazhdën e informacioneve që Veriu Sport përcolli mbrëmjen e djeshme rreth dëmtimit të futbollistit kuqeblu, Esat Mala, dhe transportimin e tij në Tiranë duke u akomoduar në Spitalin Italian, Villa Maria, bëhet me dije se futbollisti kuqeblu i është nënshtruar sot një konsulte të përgjithshme nga mjekët specialistë, nga ku është vendosur që paraditen e nesërme, Mala të futet në sallën e operacionit.
Futbollisti kuqeblu shoqërohet nga fizioterapisti i KF Vllaznia, Ilirjan Haxhaja, i cili së bashku me kolegët e tij të stafit mjeksor kuqeblu, i dhanë ndihmën e parë që në momentin e parë të dëmtimit të klavikulës në stadiumin “Loro Boriçi” në pjesën e dytë të sfidës, Vllaznia-Partizani.
Nga sa bëhet e ditur, ndërhyrjen kijurgjikale ndaj Esat Malës, do ta realizojë specialisti i kësaj fushe, Dr. Kenan Bayrakci, një mjek i njohur nga Turqia që punon për llogari të spitalit Villa Maria, i cili ndërhyrje të tilla i ka bërë me sukses gjatë periudhës së fundit edhe me sportistë të tjerë të njohur europian.
