Thursday, March 28, 2024

Zhgënjen Vllaznia. Laçi e mund me lehtësi, 2-0, zbehet “ëndrra” për titull

Lexo

Laçi-Vllaznia 2-0  (Shënues: Guindo 32’, 41’)

Zhgënjim total ka qënë ajo çfar paraqiti sot Vllaznia përballë Laçit, ndeshje kjo e vlefshme për javën e 26-të të kategorisë Abissnet Superiore. Kuqeblutë e drejtuar nga trajneri Mirel Josa, kanë zhgënjyer, jo vetëm në rezultat teksa janë mundur me rezultatin 2 me 0, por edhe në lojë. Me përjashtim të 3-4 përpjekjeve të Ardit Hoxhajt, Jonuzit dhe Balës, loja e saj ka qënë nën nivelin mesatar.

Përballë një situate konfuze dhe me gabime që skuadra po paraqiste në fushën e lojës, tekniku Josa bëri përpjekjet e duhura duke lëvizur me stolin, kur në fushën e lojës u hodhën, Kaina, Juriç, Delaj, Kruja dhe Heriç. Megjithatë, kjo nuk e ndihmoi aspak Josën për të ndryshuar rezultatin e takimit, i cili u fiksua që në pjesën e parë me dy gola të njëpasnjëshëm me të njëjtin autor, Guindo, përkatësisht në minutta, 32’ dhe 41’.

Në këtë mënyrë, Laçi mori një fitore të merituar duke u larguar nga “zona e ftohtë” e rënis nga kategoria. Ndërkohë, për Vllazninë, e cila është pretendente për fitimin e titullit kampion, me humbjen e sotme nuk arriti të shfrytëzonte barazimin e Tiranës kryesuese duke vijuar të qëndrojë në kuotën e 37 pikëve, tashmë me pikë të barabartë me Erzenin në vendin e katërt dhe të pestë.

Me këto oshilacione të shfaqura nga java në javë, kuqeblutë duket se nuk janë të denjë për të qënë një skuadër që kërkon titullin kampion.

- Advertisement -spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

Të fundit

- Advertisement -spot_img