Në kuadrin e festimeve për 105 vjetorin e ditëlindjes së Shoqërisë Kulturore Sportive Vllaznia, e para e këtij lloji në vendin tonë, Klubi i Futbollit Vllaznia, dhe personalisht presidenti kuqeblu, Alban Xhaferi, ka organizuar mbrëmjen e djeshme një festë të veçantë për të gjithë komunitetin e futbollit.
Aktiviteti i organizuar në hotel Rozafa, është shoqëruar me nderimin e disa prej veteranëve të futbollit shkodram por edhe ish trajner të suksesshëm të Vllaznisë në vite.
“Çertifikata Mirënjohje” ka shkuar për disa prej figurave të njohura të historisë së tij: Paulin Ndoja, Astrit Hafizi, Zyhdi Basha, Agim Medja, Hysen Zmijani, Hysen Dedja, Fasli Fakja, Avenir Dani, Dervish Haxhiosmanoviç, Armir Grima, Armando Cungu, Vioresin Sinani, Safet Osja dhe Luan Zmijani.
