E mërkura e 3 nëntorit 2021 i është rezervuar kompeticionit të Kupës së Shqipërisë, aktiviteti i dytë më i rëndësishëm i futbollit shqiptar pas kampionatit kombëtar të kategorisë Superiore. 16 ekipet e kualifikuara nga turi i parë kanë formuar 8 çiftet e sotme, nga 4 për secilin grup, ku sot do të luajnë takimet e para, ndërkohë që ato të kthimit do të jenë, pas dy javësh, me datë 17 nëntor 2021.
Korabi-Teuta, Besëlidhja-Partizani dhe Bylis-Skënderbeu dhe Dinamo-Tirana, janë çiftet e Grupit A. Tre takimet e para startojnë në orën 14, ndërkohë që derbi i kryeqytetit, Dinamo-Tirana është programuar të luhet në stadiumin “AIR Albania” duke filluar nga ora 16:45.
Edhe në Grupin B ka një duel shumë të fortë, ku shorti ka vënë përballë çiftin, Egnatia-Kukësi. Ndërkohë, Vllaznia është mysafire në Pogradec për tu ndeshur me skuadrën vendase. Dy takimet e tjera të Grupit B, janë: Tomori-Laçi dhe Flamurtari-Kastrioti.
Grupi A, ora 14:00: Korabi-Teuta, Besëlidhja-Partizani, Bylis-Skënderbeu dhe Dinamo-Tirana 16.45.
Grupi B, ora 14:00: Pogradeci-Vllaznia, Tomori-Laçi, Egnatia-Kukësi, Flamurtari-Kastrioti
