Kalendari i Kampionatit Kombëtar të Kategorisë Superiore është mjaft i ngjeshur. Në mesjavë u luajtën ndeshjet e javës së 12-të, dhe tashmë në fundjavë në program janë edhe ndeshjet e javës së 13- të. Kjo javë, ashtu si edhe ajo e mëparshmja do të luhet në tre ditë. Kastrioti-Egnatia dhe Vllaznia-Skënderbeu luhen të dielen, e parë në orën 13:45, dhe e dyta, Vllaznia-Skënderbeu në 16:45.
Java e 13-të vijon me dy ndeshjet e tjera të ditës së hënë, Teuta- Kukësit në orën 16:45 dhe më pas derbi Partizani-Dinamos, i programuar të luhet në “Air Albania” duke filluar nga oran 19:45.
Çifi i fundit që mbyllë javën e 13-të të kategorisë Superiore është Laçi-Tirana, i cili starton në orën 13-45.
Sa i përket çiftit, Vllaznia-Skënderbeu duhet thënë se në kampin kuqeblu ka optimizëm për ta kaluar me sukses edhe këtë ndeshje. Fitorja ndaj Partizanit duke e mundur në “Loro Boriçi” me rezultatin 1-0 të, e ka rritur së tepërmi moralin e skuadrës.
Kalendari i Javës së 13-të të Superiores
Të dielen, 12 dhjetor: Kastrioti-Egnatia 13:45 dhe Vllaznia-Skënderbeu 16:45
Të hënën, 13 dhjetor: Teuta-Kukësi 16:45, Partizani-Dinamo 19:45
Të martën, 14 dhjetor: Laçi-Tirana 13:45
