Kuqeblutë e Vllaznisë do të luajnë sot në stadiumin “Loro Boriçi”, duke filluar nga ora 14.00 miqësoren ndaj Tërbunit të Pukës. Në fakt, siç shtë bërë me dije më herët, sot në “Loro Boriçi” ishte planifikuar të luhej miqësorja, Vllaznia-Prishtina, por me kërkesën e kampiones së Kosovës, kjo miqësore u anolua. Ndërkohë, falë marrëdhënieve të mira që ekzistojnë mes dy klubeve veriore, Vllaznia gjeti menjëherë kundërshtarin për të zhvilluar në të njëjtën ditë dhe orë miqësoren e planifikua, por këtë radhë ndaj Tërbunit.
Një miqësore që pritet t’i vlejë të dyja skuadrave për kolaudimin e tyre në prag të rifillimit të Kampionatit Kombëtar të Superiores si dhe Kategorisë së Parë. Por, natyrisht, më së shumtmi, kjo miqësore i vlen Vllaznisë duke i dhënë mundësinë teknikut Thomas Brdariç të testojë formacionin me të cilin do të përballet të shtunën e ardhshme në kryeqytet, në kryendeshjen e javës së 16-të të Superiores, Tirana-Vllaznia.
