Kombëtarja U-17 – Kombëtarja U-18 0-3
Golat: Ageja 7’, 30’, Alimerkaj 70’
Kombëtarja U-17: Fatmir Koci, Albi Koleci, Adi Kurti, Alion Damini, Ergi Çela, Ariel Krajka, Klaus Kashari, Jordi Jaku, Glenis Belloj, Elidon O’Boyle dhe Ersi Bode. Trajner Ervin Bulku
Kombëtarja U-18: Erdi Pojana, Arlind Kurti, Henri Basha, Ermal Meta, Martin Alite, Oresti Kasmollari, Ledio Tresa, Andi Gjoka, Emanuil Guci, Arlind Lleshi dhe Orsi Ageja. TRajner: Ardi Behari
Miqësorja e organizuar mes familjes kuqezi, Kombëtares U-17 dhe asaj U-18 është mbyllur me fitoren e 18 vjeçarëve me rezultatin 0-3. Ndeshja e luajtur në Qendrën Kombëtare Sportive në Kamëz ka ardhur në ditën e fundit të grumbullimit.
Ndeshja ka qenë mjaft e bukur dhe të dyja ekipet kanë krijuar volum të madh loje dhe raste për shënim. Ekipi i drejtuar nga Behari e ka zhbllokuar shumë shpejt rezultatin me anë të Agejës, i cili realizoi golin e avantazhit në minutën e 7-të dhe i njëjti sulmues shënoi edhe golin e dytë për Kombëtaren U-18 në minutën e 30-të.
Në pjesën e dytë të dy trajnerët kanë bërë shumë zëvendësime, duke aktivizuar të gjithë lojtarët që kishin në dispozicion. Rezultati final i miqësores 3-0 është fiksuar në minutën e 7-të me Alimerkajn, që shënoi golin e tretë për Kombëtaren U-18. Pavarësisht rezultatit, të dy trajnerët kanë marrë përgjigjet e duhura nga lojtarët e thirrur dhe kanë pasur mundësi të testojnë talentet në një ndeshje të vërtetë.
Si Bulku ashtu edhe Behari janë shfaqur të kënaqur me paraqitjen e lojtarëve dhe impenjimin e tyre në këtë ndeshje. Kombëtarja U-17 ka përmbyllur kështu grumbullimin 4-ditor, ku trajneri Bulku ka testuar një pjesë të mirë të grupit që do të përbëjë edhe bazën e ekipit Kombëtare në ndeshjet zyrtare.
