Superkupa e Argjentinës 2022 do të mbahet mend gjatë, jo vetëm për tifozërinë e të dy skuadrave, Racing Club dhe Boca Juniors, por edhe më gjë gjërë. Kjo, pr faktin se arbitri kryesor i kësaj ndeshje, Facundo Tello ka nxjerrë plot 10-të herë kartonin e kuq.
Një gjë e tillë është e vështirë të shihet edhe kur luan FIFA në Playstation. Por me të vërtetë ndodhi: dhjetë të dëbuar në pak më shumë se gjysmë ore! Një rekord, ndoshta, i vendosur jo në një ndeshje të një turneu amator, por në Amerikën e Jugut dhe më saktë në Trofeo de Campeones në Argjentinë. Në atë që është në fakt Superkupa mes kampionëve kombëtarë dhe fituesve të kupës, shpirtrat janë acaruar në një moment, duke e shndërruar finalen në një ndeshje me dema.
Racing Club përfundimisht fitoi 2-1 kundër Boca Juniors në minutën e 118-të, tre minuta para fishkëllimës së fundit. Një ndeshje që përfundoi herët pasi arbitrit Facundo Tello iu desh të nxirrte 10 kartonë të kuq në sekuencë të shpejtë majtas dhe djathtas.
Për të nisur sekuencën e çmendur të të kuqve janë Sebastian Villa dhe Johan Carbonero, të cilët grinden në minutën e fundit të rikuperimit të kohës së rregullt: rezultati është 1-1 për golat në fillim të ndeshjes nga Norberto Briasco dhe Matias Rojas. Duhet kohë shtesë për të vendosur fituesin e turneut. Në kohën e parë shtesë arbitri dënon edhe Alan Varelën duke lënë Boca në nëntë lojtarë.
Më pas vjen goli vendimtar i Carlos Alcaraz që shkakton bujë në fushë. Racing humbet golashënuesin dhe Jonathan Galvan ndërsa Luis Advincula, Carlos Zambrano (tashmë i zëvendësuar), Diego Gonzalez (nga pankina) dhe Frank Fabra përfundojnë shpejt jashtë fushës nga radhët e Boca. Dhe nuk ka mbaruar akoma sepse në minutën e 130′ (minuta e dhjetë e rikuperimit) të kohës shtesë arbitri shkon në Var për të gjykuar një gjest të Dario Benedetto-s, i cili imitoi tufën e parave.
Arbitri Tello nuk ka dyshime dhe ngre një tjetër karton të kuqe të kësaj ndeshjeje të çmendur: është i shtati i përjashtuar nga Boca (i pesti në fushë), skuadra që mbetet në gjashtë elementë dhe për rrjedhojë pa numrin minimal për të vazhduar ndeshjen. Loja përfundon kështu dhe hyn në legjendë.
