Lezhjani, Jurgen Uldedaj, i cili pas suksesit të arritur me Tiranën në Kampionatin Shqiptar të boksit, prej disa vitesh është vendosur jashtë Shqipërie duke vijuar karrieren sportive në boksin profesionist.
15 ndeshje, 15 fitore, 5 prej të cilave me nokaut, ky është bilanci shumë pozitiv që 25 vjeçari i talentuar lezhjan ka regjistruar në boksin profesionist. Dueli i fundit për Uldedajn, i cili rikthehet në ring pas një pauze rreth një vjeçare për arsye dëmtimi, ishte ai zhvilluar një ditë më parë në Londër, aty ku tifozët e shumë shqiptar e mbështeten maksimalisht në përballjen me argjentinasin, Bruno Igor Hong, një boksier 33-vjeçar me 21 ndeshje profesioniste në karrieren e tij, ndër të cilat ka fituar 11, 8 humbje dhe 2 barazime.
Ndeshja e zhvilluar në York Hall London ishte spektakolare për boksierin shqiptar, i cili ndonëse nuk e nisi fort mirë raundin e parë, në tre të tjerët erdhi duke e rritur nivelin e tij, aq sa në raundin e katërt, pas një presioni të furishëm me goditje të njëpasnjëshme mbi kundërshtarin, detyroi trajnerin e argjentinasit të hedhë peshqirin në ring duke ndërprerë ndeshjen. Që do të thotë, fitore e pastër me nokaut teknik e Uldedajt me tërheqje të kundërshtarit.
Kjo fitore e regjistruar në Londër për boksirin shqiptar, Jurgen Uldedaj, i cili mban titullin kampion në tre disiplina, ËBO Youth Ëorld Champion, ËBC, është një nxitje akoma më e madhe morale, ku falë moshës së tij të re, premisat janë për të ecur në nivele akoma më të larta në boksin profesionist.