Pas përfundimit të ndeshjes Vllaznia-Laçi, ka ndodhur një episod i pakëndshëm. Zyrtari i FSHF-së, Alban Tafaj është shprehur se i kanë thyer xhamat e makinës në parkingun e stadiumit për shkak të tensioneve në fund të sfidës Tafaj, pas këtij incidenti është shprehur për Oversport:
“Inekzistent çdo lëvizje e policisë. Nuk bënë asgjë. U drejtuam drejt parkimit privat ku ishte edhe autobusi i Laçit, gjejmë makinën e dëmtuar, xhamat e thyera të gjitha. Incident që më le shije të hidhur. Incident që e shëmton këtë qytet. Më vjen keq që më ndodhi mua, çdokush do ndihej kështu. Më vjen keq sepse njolloset emri i Vllaznisë. Punojësit ishin inekzistentë në mbrojtje tonë. E vetmja gjë që më ka indinjuar më tepër është gjesti këtu në Shkodër ku ne edhe jemi duartorkitur kur kemi fituar.”