Apolonia do të presë në shtëpi Korabin për të luajtur ndeshjen e vlefshme për javën e 25-të të Kategorisë së Parë. Sfida përmbyllëse e kësaj jave do të startojë në orën 14:00.
Kjo sfidë do të jetë e luftuar duke patur parasysh edhe objektivat që këto dy ekipe kanë. Skuadrat janë me pikë të barabarta dhe kërkojnë me çdo kusht fitoren për të mbajtur gjallë shpresat e ngjitjes në elitën e futbollit.
Fierakët ndodhen në vendin e pestë në tabelën e klasifikimit me 35 pikë dhe po me kaq pikë janë edhe dibranët por në vendin e gjashtë.
Apolonia:Harizaj,Hebeja,Ndubuisi,Repaj,Asllanaj,Rajab,Shanaj,Bejzade,Maksuti,Antoni,Trifoni Trajner:Artan Mërgjyshi.
Korabi:Qyrani,Hasa,V.Lila,Paplekaj,Geci,Mziu,H.Marku,Kryemadhi,Kasalla,Çema,T.Marku Trajner:Shpend Kumbarçe.
Fatos LAMAJ
