E nisur dje me tre duelet e para: Tirana-Kukësi 1-0, Skënderbeu-Teuta 0-1 dhe Vllaznia-Laçi 1-2, java e 31-të e kategorisë Abissnet Superiore, vijon sot me dy sfidat e fundit, të cilat pritet të jenë po aq interesante dhe të forta sa ato të djeshmet.
Dy takime që luhen në dy orare të ndryshme,në orën 15:00 dhe në orën 18:00. Gjithçka do të nisë me supersfidën mes Egnatias dhe Partizanit. Të dyja ekipet përplasin “brirët” për 3 pikët e kësaj jave. Rrogozhinasit i duan për të blinduar vendin e parë në klasifikim, ndërsa të kuqtë për tu ngjitur në vendin e dytë në renditje pas humbjes së Vllaznisë.
Ndërkohë në orën 18:00 do të luhet sfdida mes Dinamos dhe Erzenit. “Blutë” do të synojnë fitoren në “Air Albania” për t’i rimarrë Tiranës vendin e 4-të në “Final-Four”. Ndërkohë nga krahu tjetër shijakasit janë të detyruar vetëm për fitoren për të mbajtur gjallë shpresat për mbijetesën.
Ndeshjet e javës së 31-të të Abissnet Superiore
Dje
TIRANA-KUKËSI 1-0
VLLAZNIA-LAÇI 1-2
SKËNDERBEU-TEUTA 0-1
Sot
EGNATIA-PARTIZANI 15:00
DINAMO-ERZENI 18:00
Fatos LAMAJ
