Brenda dy vitesh, Vllaznia e Futsales, ka bërë një paraqitje mjaft të mirë. Me lojrat e saj dinjitozë, një pjesë e mirë edhe spektakolare, sidomos ato që janë luajtur në pallatin e sportit “Qazim Dervishi” përballë rivalëve, Tirana, Partizanin e Flamurtari.
Edhe pse objektivi ishte fitimi i titullit kampion, mbyllja e sezonit e gjeti KF Vllaznia Futsal në vendin e dytë të klasifikimit, pas Tiranës që u shpall kampione.
Pas dy viteve përvojë, tashmë duket se ka ardhur koha që në vitin e tretë të konkurimit, Vllaznia e futsales të synojë seriozisht titullin kampion. Një gjë të tillë e konfirmuan presidenti i futsales shkodrane, Fisnik Barbullushi dhe trajneri Arben Xhaferi, të cilët premtuan përforcimin e skuadrës duke rikthyer në Shkodër lojtarë cilësorë që luajnë në ekipet e tjera.
Dhe, ndët to, natyrisht që shumë të spikatur janë Fatos Behari dhe Semir Gogaj, të cilët sezonin e kaluar mbajtën peshën kryesore të Flamurtarit të Vlorës.
“Në rrugëtimin tonë 2 vjeçar kemi hedhur gurët e themelit për të ndërtu një ekip çdo vit e më kompetitiv.
Bazën e ekipit, këtë vit e përforcojmë me 2 lojtarë shkodran me eksperiencë në disiplinën e futsallës, Fatos Behari dhe Semir Gogaj.
Premtimet:
- Rikthim i Vllaznisë në futbollin e sallave
- Afrimi i tifozerisë shkodrane në pallatin e
sportit
- Afrimi i shkodranëve që luajnë në ekipet tjera
te Vllaznia
- …Kryt Nalt”, bëjnë të ditur zyrtarisht drektuesit e KF Vllaznia Futsal
