Trajneri i Partizanit, Orges Shehi, foli për MCN TV, pas kualifikimit në finalen e titullit kampion.
Shehi deklaroi se ndeshja ndaj Skënderbeut u përgatit me qetësi, ashtu si derbit, ndërsa shtoi se nuk ka preferenca për kundërshtarin në finale.
Na pret një ndeshje tjetër, Jemi të kënaqur për finalen. Na pret një javë për t’u rikuperuar e përgatitur.
Jemi shumë të kënaqur për kontigjentin dhe vazhdimësinë, janë 6 fitore radhazi. Duam të vazhdojmë me këtë ritëm, disa elementë ndryshojnë në bazë të kundërshtarit. Vazhdimësia të jep besim, por duhet përqëndrim pasi ndryshe lirohesh pak. E rëndësishmë është që shkojmë në finale me një përformancë të mirë.
Sigurisht që ndikok fanella, këtë javë e kemi përgatitur me qetësi, siç përgatisim derbit. Kemi marrë 64 pikë, vjet morëm 67. Sot u sollëm si favoritë dhe më vjen mirë që kemi këtë mentalitet. Duhet të jemi gjithnjë kërkues në çdo moment e sekond.
Egnatia apo Vllaznia? Të dyja të forta, finalja është finale. Unë nuk kam preference. Kur ke 2 rezultate në favor mund të kthehet në anë negative pasi ul vëmendjen. Besoj se do të jetë një ndeshje ku dy skuadrat do të luajnë. Të shohim kush shkon në finale.
