Italia ka mposhtur Shqipërinë me shifrat 2-1 në ndeshjen e vlefshme për Grupin B në Euro 2024. Bajrami trembi Italinë me atë gol historik, më i shpejti në një Evropian dhe për “SofaScore”, faqen e specializuar për statistikat, ishte lojtari më i mirë në radhët e kuqezinjve, nota 7 për Bajramin. Podiumin e më të mirit, Bajrami e ndan me kapitenin Berat Gjimshiti, pasi edhe qendërmbrojtësi u vlerësua me të njëjtën notë.
Lojtari i tretë me notën më të lartë rezultoi Armando Broja, i vlerësuar nga SofaScore me 6,8. Lojtari më notën më të ulët ishte portieri Thomas Strakosha i vlerësuar me 6,4. Në radhët e Italisë, lojtari më i vlerësuar rezultoi Nicolo Barella me notën 8, ndërsa pas tij vjen autori i golit tjetër Bastoni.
Ndërsa UEFA ka shpallur lojtari i ndeshjes Federiko Kiezen. Paneli i Vëzhguesve Teknik i UEFA-s tha: “Ai ishte lojtari më i rrezikshëm, duke shkaktuar shumë probleme me shpejtësinë dhe driblimin e tij”.
