Dy sfida në orare të ndryshme mbyllin javën e dytë të Superiores
Bylis-Dinamo(17:00) dhe Elbasani-Teuta(20:00) janë dy sfidat që do të mbyllin javën e dytë të Superiores dhe që do të vijnë drejtpërdrejt dhe pa pagesë në ekranin e RTSH Sport.
Si Bylisi, ashtu dhe Dinamo, humbën në javën e parë, respektivisht me Teutën(2-1) dhe Egnatian(2-0), ndërkohë që do të kërkojnë pikët e para në këtë përballje.
Në sfidën tjetër, Elbasani, që barazoi 1-1 një javë më parë në Korçë, do të kërkojë debutimin me fitore në shtëpi përballë një Teute që vjen pas fitores me Bylisin.
