Një lajm i mire për futbollin shkodran vjen nga institucioni i futbollit shqiptar, FSHF. Bëhet fjalë për ndërtimin e tre fushave stërvitore futbolli. Lajmin e bën të ditur vetë kreu i FSH-së, Armand Duka, përmes postimit në rrjetin social FB:
“Në mbledhjen e sotme të Komitetit Ekzekutiv të FSHF-së morëm vendime të rëndësishme për investime në infrastrukturën sportive.
Në Krujë do të bëhet rikonstruktimi i fushës në aneksin stërvitor të stadiumit “Kastrioti”.
Shkodër, në bashkëpunim me Vllazninë dhe Bashkinë Shkodër do ndërtohen tre fusha stërvitore, një në Postribë dhe dy në Kompleksin Zmijani.
Gramsh, rikonstruktimi i fushës dhe dhomave të zhveshjes në stadiumin “Myslim Koçi”.
Gjithashtu u morën edhe disa vendime mbi rregulloren për futbollistët e huaj në kampionatin Abissnet Superiore dhe Kategorinë e Parë.
“
