Elbasani merr një fitore të çmuar në transfertë përballë Bylisit, falë një goli të shënuar nga Lleshi në pjesën e dytë të sfidës. Verdheblutë fitojnë 1-0 në “Adush Muça” dhe prishin festën e ish-trajnerit Dede, që debuton me humbje në krye të skuadrës mallakastriotë.
Ndeshja ka qenë e luftuar, pro në fund janë miqtë ata që marrin një fitore me vlera, që i ngjit në vendin e tretë në renditjen e Abissnet Superiore, në kuotën e 12 pikëve.
Bylisi pëson humbjen e tretë radhazi në kampionat dhe mbetet në vendin e parafundit në renditje në kuotën e 5 pikëve.
