Basania-Albanët 3-2(Shënues: Xhahysa 19′, Hasa 35′, Tafili 78’/Alushi 12′, Metoxha 90′)
Basania FC, skuadra e Kategorisë së Dytë që përfaqëson zonën e Bushatit të Bashkisë Vau Dejës, gjatë ndeshjeve të javëve të fundit po bën një prezantim mjaft të mirë. Pas fitores 3 me 0 me Gramshin në shtëpi dhe barazimit në transfertë me një skuadër tradite si Veleçiku i Koplikut, pretendent për vendin e parë në grupin A, skuadra e drejtuar nga trajneri Haris Lika, mundi sot në shtëpi ekipin Albanët.
Ndeshja në fjalë e luajtur pasditen e sotme në fushën sportive “Basania” të Bushatit, e vlefshme për javën e gjashtë të Kategorisë së Dytë, grupi A, filloi më mirë për miqtë, kur Alushi shënon në minutën e 12-të duke kaluar në avantazh Albanët.
Basania kundrapërgjigjet pas shtatë minutash me golin e shënuar nga Rigers Xhahysa. Barazim, 1 me 1, por golin I Brilant Hasajt në minutën e 35-të e çon Basanian në dhomat e zhveshjes me avantazhin 2 me 1.
Pjesa e dytë shoqërohet me një luftë të fortë sportive nga të dyja skuadrat. Goli I kapitenit Alsid Tafili me penallti në minutën e 78-të e çon avantazhin e Basanias në 3-1 duke u shoqëruar me një entuziasëm të tifozërisë bushatase.
Duket se vendasit kanë gjithçka nën kontroll dhe po shkojnë drejt një fitoreje 3-1, por goli I miqve në minutën e 90-të me autor Metoxha krijon tension në radhët e Basanias, e cila gjithësesi, në minutat shtesë tregohet e sajtë në prapavijë duke mos lejuar kundërshtarin të gjejë më rrugën e rrjetës, ndërkohë që kërcënon edhe për një gol të katërt për kundrasulmeve vtë rrezikshme.
Vërshëllima përfundimtare e arbitrit kryesor Qaushi, mbyll të gjithë ndeshjen duke lënë në fuqi rezultatin 3 me 2 në favor të Basanias, e cila me këtë tre pikësh rritet ndjeshëm në klasikim, ndërkohë që lëshon një mesazh kërcënimi ndaj Besëlidhjes, me të cilën do të ndeshet javën e ardhshme në transfertë në kuadër të javës së shtatë të Kategorisë së Dytë, Grupi A.
Ndeshjet e tjera të Kategorisë së dytë, Grupi A, dhanë këto rezultate:
ADRIATIKU 1-2 SOPOTI (Në Vorë)
11′ Sulejmani – 48′ Mici, 54′ Goçi
TËRBUNI 2-0 NAFTËTARI
40′ Bizi, 58 Kaçubela
VELEÇIKU 0-0 BESËLIDHJA
MURLANI 1-2 GRAMSHI
81′ Djepaxhia – 12′ Xhelili, 21′ Muzhaqi
ILIRIA 1-1 LUZI 2008 (Ndeshja është ndërprerë në pjesën e dytë)
51′ Qehaja – 63′ Jakubu
(Video) Pamje nga ndeshja, Basania FC-Albanët, 3-2. Si dhe prononcimet e trajnerit të Basanias, Haris Lika dhe dy autorëve të golave, Rigers Xhahysa dhe Brilant Hasaj.
Gaspër MARKU
