Superioja ditën e djeshme ka mbyllur ndeshjet e javës së 12-të dhe tashnmë ekipet duhet të kthejnë menjëherë fokusin te sfidat e radhës. Takime mjaft të rëndësishme janë në program dhe që do të marrin vëmendjen e tifozëve.
Kështu java e 13-të e Superiores do të luhet në fundjavë. Saktësisht të shtunën do të luhen 3 takime dhe të dielën do të luhen 2 sfidat e mbetura.
Gjithçka do të nis me sfidën mes Egnatias dhe Vllaznisë që do të luhet në “Egnatia Arena” në orën 14:00. Një përballje pretendentësh në Rrogozhinë. Të dyja skuadrat vijnë në këtë ndeshje pas fitoreve të rëndësishme, me Vllazninë që mundi Skënderbeun me rezultatin 2 me 0 dhe Egnatian, e cila nga ana e saj sfidoi Tiranën duke e mundur me rezultatin 1-0. Rrogozhinasit e Egnatias vendase, kampion në fuqi, pas javës së 12-të, renditen në vendin e katërt me 19 pikë, dy pikë më pak sesa Vllaznia kryesuese. Është kjo arsyeja që e bën këtë takim të jetë në vemendjen kryesore të kësaj jave.
Por, sigurisht që vemendjen e deuhur kanë edhe çiftet e tjera, duke nisur nga derbi kryeqytetas, Dinamo-Partizani dhe Teuta-Skënderbeu, të cilët edhe këto luajnë të shtunën. Sfida mes Tuetës dhe Skendërbeut luhet në “Niko Dovana” paralelisht me ndeshjen,. Egnatia-Vllanzia të orës 14:00, ndërkohë që do të luhet derbi mes Dinamos dhe Partizanin, takim që do të zhvillohet në “Elbasan Arena” është planifikuar të luhet në orën 17:00.
Dita e dielë rezervon dy përballjet e fundit të javës së 13-të Abissnet Superiore. Në orën 14:00 përballen mes tyre Laçi dhe Elbasani. Ndërkohë që afida e fundit e kësaj jave është ajo mes Tiranës dhe Bylisit. Përballje kjo e parashikuar të zhvillohet në orën 17:00,me stadiumin që ende nuk dihet dhe mbetet të zyrtarizohet në ditët në vazhdim.
Të shtunën
Egnatia-Vllaznia(14:00)
Teuta-Skënderbeu(14:00)
Dinamo-Partizani(17:00)
Të dielën
Laçi-Elbasani(14:00)
Tirana-Bylis(17:00)
Fatos LAMAJ
