Kategoria e parë ka luajtur sot dy ndeshje. Kastrioti-Pogradeci dhe Erzeni-Kukësi. Në duelin e parë, fitorja e krutanëve ndaj pogradecarëve është shoqëruar me dorëheqjen e trajnerit të Pogradecit, shkodranit Samuel Nikaj.
Ndeshja e zhvilluar në stadiumin “Redi Maloku” ka përfunduar me rezultatin 2-0 për vendasit falë dy golave të shënuar nga Kapllani dhe Hoxha në pjesën e dytë.
Ndërkohë, në sfidën tjetër, Kukësi ka marrë një fitore të çmuar në transfertë përballë Erzenit të vendit të fundit, falë golit të shënuar nga Sadiq në pjesën e dytë.
