Në kuadër të projektit madhor “100 fushat”, Federata e Futbollit ka mbyllur me sukses investimin e radhës në kompleksin e klubit Dinamo City.
Punimet për fushën me bar artificial kanë përfunduar dhe kjo është fusha e dytë që FSHF ka ndërtuar në këtë kompleks.
Tashmë, fusha është e aksesueshme dhe në të stërviten dhe luajnë të gjitha grupmoshat e Dinamo City.
Investimet e FSHF në ndërtimin e fushave nuk ndalen, ndërsa po punohet me ritme të shpejta edhe në disa stadiume, në kuadër të Kampionatit Europian U-17 2025, që do të organizohet në vendin tonë nga FSHF në bashkëpunim me UEFA-n.
