Dinamo fiton 2-1 derbin përballë Tiranës në “Elbasan Arena” dhe ngjitet në kuotën e 31 pikëve në tabelën e klasifikimit të Abissnet Superiores.
Në një ndeshje me shumë emocione, deri në sekondën e fundit, dy skuadrat kanë luajtur hapur, me situata që zhvendoseshin nga një portë, në tjetrën. Në pjesën e parë, dinamovitët kaluan në epërsi të dyfishtë pas golave të Qefalisë dhe Nanit. Në të 86-tën, gol shprese nga Ndreca. Në fund, rastet për barazim nuk munguan, por Triana nuk ishet e saktë para portës
Me këtë fitore, Dinamo ngjitet në krye të tabelës me 31 pikë po aq sa Vllaznia, të cilat kanë një ndeshje më shumë se Egnatia që ka një pikë më pak. Ndërsa Tirana ndodhet në vendin e 7-të, me një pikë më shumë se Laçi që ndodhet në zonën e ftohtë të Superiores.
